Bonbiní na WWW.KONSIENTE.COM, propiedat di FUNDASHON KONSIENTE i manehá pa Bright Ideas & Services Inc. (BISInc) na Kòrsou, Antia Ulandes.
Por fabor lesa e kondishon di uso aki promé ku bo usa WWW.KONSIENTE.COM i promé ku bo manda òf pone kualke informashon ku por identifikábo (potrèt, number di telefòn, adrès, nòmber òf adrès di e-mail). Usando e sitio aki di WWW.KONSIENTE.COM bo ta indiká di ta bai di akuerdo ku e kondishon di uso.
NO USA ni keda riba WWW.KONSIENTE.COM den kaso ku bo no ta di akuerdo ku e kondishon di uso di WWW.KONSIENTE.COM.
FUNDASHON KONSIENTE i Bright Ideas & Services Inc. (BISInc) ta mantené e derechi pa aprobá òf ninga na tur momentu kualke informashon, mensahe òf otro agregashon ku un bishitante di WWW.KONSIENTE.COM presentá, sin duna niun splikashon.
Derechi di outor i marka: E nòmber i markanan WWW.KONSIENTE.COM. ta propiedat di FUNDASHON KONSIENTE i Bright Ideas & Services Inc. (BISInc). Tur material, inkluso pero no limitá na imágen, oudio i video, animashon, diagram, potrèt òf kualke otro material riba WWW.KONSIENTE.COM. ta di FUNDASHON KONSIENTE i/of di Bright Ideas & Services Inc. (BISInc) òf di otronan ku a pèrmití FUNDASHON KONSIENTE i/of Bright Ideas & Services Inc. (BISInc) pa hasi uso di dje. Materialnan ku nos pone i riba kua nos no tin derechi lo keda indiká komo tal. Por usa nos materialnan pa rasonnan personal pero ta prohibí pa kopia, reprodusí, pone riba otro página riba Internèt, modifiká òf transmití material riba WWW.KONSIENTE.COM ku finnan komersial òf pa kualke benefisio material, sin pèrmit anterior di FUNDASHON KONSIENTE i/of Bright Ideas & Services Inc. (BISInc) i lo konsiderá esaki un violashon di derechinan intelektual den kaso ku mester tuma nota di esaki i si mester tuma pasonan legal.
Tene kuenta: Tur informashon riba WWW.KONSIENTE.COM. tei pa intenshonnan informativo i edukativo. FUNDASHON KONSIENTE i Bright Ideas & Services Inc. (BISInc) no ta responsabel pa datonan den nos informashonnan, si nan no ta kompleto òf si nan ta diskutibel. Ni FUNDASHON KONSIENTE ni Bright Ideas & Services Inc. (BISInc), ni spònser òf partnernan, ni empresanan ku ta pone aviso no ta responsabel pa niun daño ni na persona ni na kualke entidat pa motibu di a usa informashon riba WWW.KONSIENTE.COM.
Bo ta bai di akuerdo di ta usa WWW.KONSIENTE.COM kompletamente riba bo mes riesgo i no por tene FUNDASHON KONSIENTE ni Bright Ideas & Services Inc. (BISInc) ni su partnernan responsabel pa niun konsekuensia òf resultado pasobra bo a bishitá WWW.KONSIENTE.COM.
Tur material ku bo manda pa WWW.KONSIENTE.COM ta keda bo propiedat pero ta bira tambe propiedat di FUNDASHON KONSIENTE i Bright Ideas & Services Inc. (BISInc) den tur hurisprudensia. FUNDASHON KONSIENTE i Bright Ideas & Services Inc. (BISInc) lo no usa niun informashon ku bo suministrá pa duna otro hende pero solamente pa akshonnan nesesario relashoná ku komunikashon i mantenshon di WWW.KONSIENTE.COM.
WWW.KONSIENTE.COM ta manehá i kontrolá pa Bright Ideas & Services Inc. (BISInc) situá na Kòrsou. Kualke disputa ku por sali for di uso di WWW.KONSIENTE.COM ta bai kai bou di lei antiano.
Kòrsou, 3 di yüni 2008
Tur derechi reservá © 2008 Bright Ideas & Services Inc. (BISInc)