Tin masha hopi hende ku a kontribuí na konstrukshon di e Kòrsou ku nos konosé awe. Un di nan sigur ta e 'entrepreneurnan', hendenan ku hopi ten pasá a kuminsá ku un negoshi ku te awe ta eksistí bou di guia di e di dos, di tres te mas generashon di esun òf esnan ku tabata fundadó.

Ta p’esei Fundashon Konsiente a kuminsá ku e proyekto di dokumentashon di nan ku a kontribuí den grandi ku ekonomia, ku a duna empleo i ku a kontribuí na historia empresarial di Kòrsou.

Parti di e proyekto aki ta spesífikamente pa dokumentá nos historia for di punto di bista di komersio i ku hendenan ku a traha riba e parti ei den nos historia.
E material ku nos kolekshoná i usa ku aprobashon di esnan ku ta partisipá, mester ta disponibel pa hendenan lokal i internashonal ku ke hasi investigashon i tambe pa p.e. studiantenan.

Di kuantu generashon abo ta?
Nos ke bo partisipashon si abo tambe ta forma parti di generashonnan di komersiante na Kòrsou. Primi aki pa komuniká ku nos.

I si bo tin kualke sugerensia, idea òf pregunta; djis laga nos sa na info@konsiente.com.

E Tim Konsiente